TDIU huzuridagi “Oʻzbekiston iqtisodiyotini rivojlantirishning ilmiy asoslari va muammolari ilmiy-tadqiqot markazi ilmiy xodimlari Toshkent viloyati Yangiyoʻl tumani va Oʻrtachirichiq tumanini barqaror rivojlantirish boʻyicha ilmiy tashkilotlar vakillaridan iborat ishchi guruh tarkibida faoliyat olib bormoqda. Ishchi guruh aʼzolari hududni ijtimoiy-iqtisodiy rivojlantirishga oid muammolarni oʻrganish, foydalanilmayotgan salohiyatlarni aniqlash va ilmiy tahlillar asosida rivojlantirish drayverlarni koʻrsatish boʻyicha ilmiy asoslangan takliflar ishlab chiqish vazifasi belgilangan.
Ishchi guruh faoliyati natijalari boʻyicha Toshkent viloyati Yangiyoʻl tumani va Oʻrtachirichiq tumanini barqaror rivojlantirish boʻyicha “Yoʻl xaritasi”ni ishlab chiqish rejalashtirilgan.
