Toshkent davlat iqtisodiyot universiteti huzuridagi
“Oʻzbekiston iqtisodiyotini rivojlantirishning ilmiy asoslari va muammolari” ilmiy-tadqiqot markazida Oʻzbekiston Respublikasi Prezidentining 2017-yil 16-fevraldagi PF–4958-sonli farmoni (“Oliy oʻquv yurtidan keyingi taʼlim tizimini takomillashtirish chora-tadbirlari toʻgʻrisida”), shuningdek, Oʻzbekiston Respublikasi Vazirlar Mahkamasining 2017-yil 22-maydagi 304-sonli qarori (“Oliy oʻquv yurtidan keyingi taʼlim tizimini yanada takomillashtirish chora-tadbirlari toʻgʻrisida”) ijrosini taʼminlash maqsadida qator amaliy ishlar olib borilmoqda.
Shu doirada Markaz direktorining 2025-yil 25-avgustdagi “2025-yil IV chorak uchun mustaqil izlanuvchilikka (PhD/DSc) tanlovni oʻtkazish toʻgʻrisida” 34–sonli buyrugʻiga asosan, 2025-yil IV chorak uchun mustaqil izlanuvchilikka (PhD/DSc) qabul qilish boʻyicha suhbat 2025-yil 29-avgust kuni tashkil etildi.
Suhbat jarayonida mustaqil izlanuvchilikka (PhD/DSc) hujjat topshirgan talabgorlar oʻz yoʻnalishlari boʻyicha bilim va tadqiqot rejalari haqida komissiya oldida taqdimot qilishdi. Jami 18 nafar talabgordan 15 nafari suhbatda ishtirok etdi. Ulardan barchasi 08.00.07 – “Moliya, pul muommalasi va kredit” ixtisosligi boʻyicha hujjat topshirgan boʻlib, suhbat davomida ularning ilmiy izlanishlari mazmun-mohiyati, metodologik yondoshuvlari va dolzarbligi koʻrib chiqildi.
Markaz tomonidan olib borilayotgan mazkur ishlarning asosiy maqsadi — ilmiy-tadqiqot ishlarining sifatini oshirish, mamlakat iqtisodiyotini rivojlantirishda zamonaviy tadqiqotlardan keng foydalanish hamda yosh olimlarning ilmiy salohiyatini yuksaltirishdan iborat.