UzExport Akademiyasi oʻquv platformasida Oʻzbekistonda tranzit yoʻnalishlari boʻyicha yangi bepul kurs tayyorlandi. Atigi 3-4 soatlik onlayn kursda siz Markaziy Osiyo eksportchilari uchun Yevropa Ittifoqi, Turkiya, Rossiya va boshqa mamlakatlarga mavjud logistika yoʻnalishlari, tovarlarni tashish yoʻnalishida korxonalar duch keladigan asosiy muammolar, chegara infratuzilmasi xususiyatlari va eksportning boshqa koʻplab jihatlari bilan tanishasiz.
Kursga ro’yxatdan o’tish lozim. Kursni tugatgandan so’ng, muvaffaqiyatli o’tganligi to’g’risida sertifikat beriladi.
Tranzit yoʻnalishlari boʻyicha yangi kursga ushbu havola orqali kirish mumkin: https://uzexport.learning-solutions.cloud/course/info.php?id=2254
Ready4Trade Central Asia loyihasi doirasidagi xalqaro savdo va eksport o‘quv dasturi Yevropa Ittifoqi tomonidan moliyalashtiriladi va Xalqaro savdo markazi tomonidan amalga oshiriladi. Loyihani Oʻzbekistonda amalga oshirish boʻyicha institutsional hamkorlar Toshkent davlat iqtisodiyot universiteti boʻlib, Oʻzbekiston Respublikasi Investitsiyalar, sanoat va savdo vazirligining umumiy koʻmagida TDIU huzuridagi ilmiy-tadqiqot markazi tomonidan amalga oshiriladi.
