Joriy yilning 23-iyul kuni Markaz direktori i.f.d., professor S.K.Xudoyqulov va direktor oʻrinbosari i.f.d., dotsent F.I.Isayev boshchiligida Markazda faoliyat olib borayotgan tayanch doktorantlar bilan suhbat uyushtirildi.
Markaz rahbari tadqiqotchilardan dissertatsiya mavzusi boʻyicha tasdiqlangan yakka tartibdagi rejaning mavjudligi va uning bajarilishi holati, ixtisoslik boʻyicha tasdiqlangan nazariy-metodologik dasturning mavjudligi va uning bajarilishi, tegishli OAK tomonidan eʼtirof etgan jurnallarida dissertatsiya mavzusi boʻyicha ilmiy maqolalarning chop etilganligi, ilmiy konferensiyalarda dissertatsiya mavzusi boʻyicha maʼruza bilan ishtirok etganligi, dissertatsiya mavzusi boʻyicha tahliliy maʼlumotlarning mavjudligi va ularda vujudga kelayotgan muammolar boʻyicha davra suhbati amalga oshirildi.
Oʻzaro savol-javob tarzida amalga oshirilgan uchrashuv doimiy ravishda oʻtkazilishi boʻyicha kelishilib, ayrim tadqiqot ishlari boʻyicha tavsiyalar berildi.
