Oʻzbekiston Respublikasi Vazirlar Mahkamasining 2017-yil 22-maydagi “Oliy oʻquv yurtidan keyingi taʼlim tizimini yanada takomillashtirish chora-tadbirlari toʻgʻrisida”gi 304-sonli qarorga muvofiq tayanch doktorantura, doktorantura, stajyor-tadqiqotchilikka quyidagi hujjatlar topshirilishi soʻraladi.
Tayanch doktoranturaga (PhD) talabgorlar uchun: ariza, qisqacha biografik maʼlumotnoma, mehnat daftarchasining belgilangan tartibda tasdiqlangan nusxasi (ishlayotgan talabgorlar uchun), oliy taʼlim muassasasi magistratura va bakalavr diplomlari va uning ilovalari, nashr etilgan ilmiy ishlar roʻyxati (tayanch doktoranturaga kirish uchun talabgorlarda tanlangan dissertatsiya tadqiqoti asosini tashkil qilishi mumkin boʻlgan ilmiy jurnallarda kamida 1 ta ilmiy maqola va 2 tezis) va ularning nusxalari, dissertatsiya rejasining mufassal loyihasi (asosnoma), B2 darajasidagi xorijiy tilni bilishni tasdiqlovchi milliy yoki xalqaro tan olingan sertifikat.
Doktoranturaga (DSc) talabgorlar uchun: ariza, qisqacha biografik maʼlumotnoma, mehnat daftarchasining belgilangan tartibda tasdiqlangan nusxasi (ishlayotgan talabgorlar uchun), oliy maʼlumot, fan nomzodi yoki falsafa doktori (PhD) yoki xorijiy davlatlarda unga tenglashtirilgan ilmiy darajaga ega boʻlganligi toʻgʻrisidagi diplom nusxasi, nashr etilgan ilmiy ishlar roʻyxati, shuningdek ularning nusxalari (dissertatsiya tadqiqoti asosini tashkil qilishi mumkin boʻlgan ilmiy jurnallarda chop etilgan kamida 3 ta ilmiy maqola hamda 2 ta tezis), tadqiqot mavzusi boʻyicha ilmiy maʼruza va fan doktori (DSc) ilmiy darajasini olish uchun tayyorlangan doktorlik dissertatsiyasi rejasining mufassal loyihasi (asosnoma), B2 darajasidagi xorijiy tilni bilishni tasdiqlovchi milliy yoki xalqaro tan olingan sertifikat.
Stajyor-tadqiqotchilikka talabgorlar ariza, qisqacha biografik maʼlumotnoma, mehnat daftarchasining belgilangan tartibda tasdiqlangan nusxasi (ishlayotgan talabgorlar uchun), oliy taʼlim muassasasi magistratura diplomi va uning ilovalari, nashr etilgan ilmiy ishlar roʻyxati, shuningdek ularning nusxalarini topshiradilar.
Hujjatlar https://daraja.ilmiy.uz// yagona elektron tizimi orqali yuboriladi va asl nusxalari yigʻma jild shaklida universitetning Ilmiy tadqiqot faoliyatini tashkil etish boʻlimida qabul qilib olinishi mumkin.
| Ixtisoslik shifri va nomi | DSc | PhD | Stajyor-tadqiqotchilik |
| 08.00.02 – Makroiqtisodiyot | 2 | 2 | 1 |
| 08.00.07 – Moliya, pul muomalasi va kredit | 1 | 2 | |
| 08.00.10 – Demografiya. Mehnat iqtisodiyoti | 1 | ||
| 08.00.12 – Mintaqaviy iqtisodiyot | 1 | 1 | 1 |
| Jami: | 4 | 6 | 2 |
Hujjatlar 2024-yil 15-sentyabrdan 15-oktyabrgacha boʻlgan davrda qabul qilinadi.
Tel.: 71-239-01-43, Manzil: 100066, Toshkent shahri, Islom Karimov koʻchasi, 49-uy, Rektorat, 14-qavat.
