“O’zbekiston moliyaviy xizmatlar bozorlarida raqobat siyosati va monopoliyaga qarshi tartibga solishni shakllantirishning uslubiy jihatlari”mavzusida davra suhbati o’tkazildi.
2022 yil 6 yanvar kuni O‘zbekiston Respublikasi Monopoliyaga qarshi kurashish qo’mitasida Qo’mita hamda “O’zbekiston iqtisodiyotini rivojlantirishning muammolari va ilmiy asoslari” Ilmiy-tadqiqot markazi hamkorligidagi Markaz tomonidan ishlab chiqarilgan analitik ishlanma doirasida “O’zbekiston moliyaviy xizmatlar bozorlarida raqobat siyosati va monopoliyaga qarshi tartibga solishni shakllantirishning uslubiy jihatlari”mavzusida davra suhbati o’tkazildi.
Davra suhbatini Monopoliyaga qarshi kurashish qo’mitasi 1-o’rinbosari B.X.Karimov va“O’zbekiston Iqtisodiyotini rivojlantirishning ilmiy asoslari va muammolari” ilmiy tadqiqot markazi direktori, i.f.d., professor M.B.Kalonov ochib berishdi. Davra suhbatida Qo’mita mutaxassislari, Markaz ilmiy hodimlari va doktorantlari hamda Xususiylashtirish, raqobat va korporativ boshqaruvni rivojlantirish muammolarini tadqiq etish markazi bo’lim boshliqlari, G.V.Plexanov nomidagi Rossiya Iqtisodiyot Universitetining Toshkent filialining professor o’qituvchilari va soha mutaxassislari ishtirok etishdi.
“O’zbekiston Iqtisodiyotini rivojlantirishning ilmiy asoslari va muammolari” ilmiy tadqiqot markazi tayanch doktaranti O’.Abdulazizova va i.f.d., professor A.Usmanov “Moliya bozoridagi raqobat holati va monopoliyaga qarshi tartibga solishni shakllantirishning uslubiy jihatlari” mavzusi yuzasidan ma’ruza qilishdi. Davra suhbati qizg‘in munozaralar va muhokamalarga boy bo‘ldi, va uning natijasida ilmiy hulosalar va amaliy tavsiyalar ishlab chiqildi. Davra suhbati yakunida Qo’mita va Markaz hamkorlikni davom ettirish taklif etildi.
