Qozog‘iston Respublikasida bo‘lib o‘tayotgan Markaziy Osiyo mamlakatlari rektorlari forumi doirasida Toshkent davlat iqtisodiyot universiteti hamda Al-Farobiy nomidagi Qozoq milliy universiteti o‘rtasida akademik, madaniy, ta’lim, ilmiy-tadqiqot sohasida hamkorlik aloqalarini rivojlantirish bo‘yicha o‘zaro hamkorlik memorandumi imzolandi.
Al-Farobiy nomidagi Qozoq milliy universiteti boshqaruvi raisi – rektor Janseit Tuymebayev hamda Toshkent davlat iqtisodiyot universiteti prorektori Muhiddin Kalonov uchrashuv jarayonida professor-o‘qituvchilar va talabalar almashinuvi, hamkorlikda ilmiy-tadqiqot, madaniy va ma’rifiy tadbirlar o‘tkazish va o‘zaro tajriba almashishga kelishib olindi.
Ta’kidlandiki, oliy ta’lim muassasalari o‘rtasidagi hamkorlikning rivojlanishi ikki mamlakat ta’lim tizimining rivojiga katta hissa qo‘shadi.
Ma’lumot uchun. Al-Farobiy nomidagi Qozog‘iston milliy universiteti QS reytingida 175 o‘rinda, 32000 ta talaba tahsil oladi, 9 ta ilmiy tadqiqot instituti mavjud, kampusi 89 gek. maydonda joylashgan. Turkiyada o‘z filialiga ega.
