Қозоғистон Республикасида бўлиб ўтаётган Марказий Осиё мамлакатлари ректорлари форуми доирасида иштирокчи давлатлар олий таълим муассасалари билан академик таълим, илмий-тадқиқот ҳамда маданий ва маърифий соҳаларида ҳамкорлик алоқаларини ривожлантириш бўйича ўзаро ҳамкорлик меморандумлари имзоланди.
Жумладан, Ал-Фаробий номидаги Қозоқ миллий университети, Сатбаев номидаги илмий тадқиқот университети, А.Бойтурсунов номидаги Костанай университети, С.Аманжолов номидаги Шарқий Қозоғистон университети, Коркит ота номидаги Қизилорда университети шунингдек, Тожикистон Миллий университети, Москва давлат университетининг Тожикистон филиали ҳамда Тожикистон халқаро туризм ва тадбиркорлик университетлари билан ҳамкорлик алоқалари ўрнатилди.
Учрашувлар жараёнида профессор-ўқитувчилар ва талабалар алмашинуви, ҳамкорликда ҳамда илмий-тадқиқот, маданий ва маърифий тадбирлар ўтказиш ва ўзаро тажриба алмашишга келишиб олинди.
