Oʻzbekiston Respublikasi Prezidenti Sh.Mirziyoyev raisligida birinchi yarim yillik tahlili va yil yakuniga qadar ustuvor vazifalar yuzasidan videoselektor yigʻilishida barcha vazirliklar va viloyat hokimliklarida Barqaror rivojlanish markazlarini tashkil qilish zarurligi qayd etib oʻtilgan edi.
Barqaror rivojlanish markazlarini tashkil etish doirasida Oʻzbekiston Respublikasi Prezidenti Administratsiyasi huzuridagi Iqtisodiy tadqiqotlar va islohotlar markazida ishchi guruhlar tashkil etilgan boʻlib, doimiy ravishda chora-tadbirlar ustida ishlar amalga oshirilmoqda.
TDIU huzuridagi Oʻzbekiston iqtisodiyotini rivojlantirishning ilmiy asoslari va muammolari ilmiy tadqiqot markazi rahbariyati va ilmiy xodimlari tomonidan ham ushbu faoliyat doirasida hududlarni ijtimoiy-iqtisodiy rivojlantirish, hududlardagi mavjud muammolarning amaliy yechimlarida ilmiy markazning ishtiroki, shuningdek, hududlarda aholi farovonligini oshirish, hududning salohiyatida unumli foydalanish va mahalliy byudjetlarning daromadlarini oshirgan holda hududlarni rivojlantirishga oid takliflar muhokama qilindi.
