TDIU huzuridagi Oʻzbekiston iqtisodiyotini rivojlantirishning ilmiy asoslari va muammolari ilmiy tadqiqot markazi direktori i.f.d.,prof. S.K.Hudoyqulov tomonidan Markazning fundamental, amaliy va innovatsion loyihalar tanlovida ishtirok etishga tayyorgarlik holati boʻyicha yigʻilish oʻtkazildi.
Barcha sektor mudirlari bugungi kun talablaridan kelib chiqqan holda oʻz yoʻnalishlari boʻyicha yangi tanlovlar uchun tayyorlayotgan loyihalarining mavjudligi va kelajakda dolzarb masalalarga bagʻishlab yangi loyihalarni shakllantirish lozim ekanligi boʻyicha topshiriqlar berildi. Har bir loyiha oʻz talablari doirasida shakllantirilishi va yakuniy maqsad tijoratlashtirish bilan tugatilishi lozim ekanligi taʼkidlandi.
Shuningdek, ishlab chiqaruvchi korxonalarning talablaridan kelib chiqib, mavzular bankini shakllantirish, mavjudlarini zamon talablariga mos ravishda qayta ishlab, sektorlar oʻz yoʻnalishlari doirasida xoʻjalik shartnomalari tuzishi kerak ekanligi taʼkidlandi.
