Xalqaro ilmiy hamkorlik aloqalarini kengaytirish va mustahkamlash va ilmiy tadqiqotlar sifatini yangi bosqichga olib chiqish maqsadida “Oʻzbekiston iqtisodiyotini rivojlantirishning ilmiy asoslari va muammolari” ilmiy-tadqiqot markazi xodimlari Indoneziyaning Jakarta shahrida joylashgan bir qator ilmiy tadqiqot muassasalari bilan muhokamalarni olib bordi. Uchrashuvlar Indoneziya universiteti (Universitas Indonesia) huzuridagi Demografiya instituti hamda Iqtisodiy va ijtimoiy tadqiqotlar institutining direktori va direktor oʻrinbosarlari ishtirokida oʻtkazildi.
Unda tomonlar oʻrtasida hamkorlikda ilmiy loyihalarni amalga oshirish, ilmiy xodimlarning malakasini oshirish, doktorantlar stajirovkasini tashkil etish, ilmiy anjuman va turli tadbirlarni tashkil etish, maʼlumotlar va tadqiqotlar natijalarini almashish kabi ustuvor masalalar muhokama qilindi.
Mazkur hamkorlik aloqalarini yoʻlga qoʻyish maqsadida oʻzaro anglashuv memorandumlarni tuzish kelishib olindi.
Maʼlumot uchun Indoneziya universiteti QS (2025) reytingi boʻyicha boʻyicha jahonda 206-oʻrin, Osiyoda 48-oʻrin, Indoneziyada 1-oʻrinni qayd etgan.
