2025-yil 31-iyul kuni Toshkent davlat iqtisodiyot universiteti huzuridagi “O‘zbekiston iqtisodiyotini rivojlantirishning ilmiy asoslari va muammolari” ilmiy-tadqiqot markazi hamda Turkiyaning Fotih Sulton Mehmet Vaqf universiteti o‘rtasida onlayn uchrashuv bo‘lib o‘tdi.
Uchrashuvda Markaz tomonidan direktor o‘rinbosari Isayev Faxriddin, sektor rahbarlari va ilmiy xodimlar, Turkiya tomonidan esa fakultet dekanlari, xalqaro bo‘lim vakillari hamda tadqiqotchilar ishtirok etdi.
Muloqot davomida ikki tomonlama ilmiy hamkorlikni rivojlantirish masalalari muhokama qilindi. Xususan, qo‘shma ilmiy tadqiqotlarni amalga oshirish, birgalikda ilmiy loyihalar tayyorlash, konferensiya va seminarlar tashkil etish kabi yo‘nalishlarda yaqin hamkorlik qilish bo‘yicha kelishuvga erishildi.
Uchrashuv yakunida tomonlar o‘zaro anglashuv memorandumini imzolashga kelishib oldilar.