2025-yil 7-avgust kuni “Oʻzbekiston iqtisodiyotini rivojlantirishning ilmiy asoslari va muammolariʼ’ ilmiy-tadqiqot markazi majlislar zalida tadqiqotchilar, ilmiy xodimlar hamda professor-oʻqituvchilar ishtirokida ilmiy-innovatsion yoʻnalishlarga bagʻishlangan amaliy seminar boʻlib oʻtdi. Seminar Ilmiy-texnik axborot markazining “Ilm-fan va innovatsiyalarni rivojlanishini tahlil qilish” boshqarmasi yetakchi mutaxassisi Lutfullaev Davron ishtirokida tashkil etildi.
Tadbirning asosiy maqsadi – ilmiy faoliyat bilan shugʻullanuvchi mutaxassislarni xalqaro ilmiy grantlar, loyiha platformalari va moliyalashtirish manbalari bilan yaqindan tanishtirish, hamda ular uchun amaliy koʻnikmalarni shakllantirishdan iborat boʻldi.
Seminar davomida quyidagi ustuvor yoʻnalishlar muhokama qilindi:
• Pivot-RP platformasining imkoniyatlari va undan samarali foydalanish boʻyicha amaliy koʻnikmalar;
• xalqaro ilmiy loyihalar va grantlarda ishtirok etish yoʻllari;
• ilmiy gʻoyalar va innovatsion tashabbuslar uchun xorijiy moliyaviy manbalarni jalb etish mexanizmlari.
Seminar natijalarida ishtirokchilar xalqaro grantlar sohasi boʻyicha dolzarb maʼlumotlarga ega boʻlishdi hamda Pivot-RP platformasida grantlarni izlash, akkaunt yaratish va ariza tayyorlash boʻyicha amaliy koʻnikmalarni shakllantirishdi. Tadbir yakunida savol-javoblar asosida fikr almashinuvi oʻtkazilib, ishtirokchilarning takliflari asosida foydali tavsiyalar ishlab chiqildi.
Mazkur seminar ilmiy sohada faoliyat yuritayotgan mutaxassislar uchun xalqaro maydonga chiqish, hamkorlikni kengaytirish va innovatsion faoliyatni kuchaytirish yoʻlida muhim bosqich boʻladi.
