2025-yil 24-noyabr kuni Toshkent davlat iqtisodiyot universiteti huzuridagi “Oʻzbekiston iqtisodiyotini rivojlantirishning ilmiy asoslari va muammolari” Ilmiy-tadqiqot markazida 2026-yil uchun oliy taʼlimdan keyingi taʼlim institutlariga qabul imtihonlari yuqori saviyada tashkil etildi. Imtihonlar doktorantura (DSc), tayanch doktorantura (PhD) hamda stajyor-tadqiqotchilik yoʻnalishlari boʻyicha oʻtkazildi.
Qabul jarayonlari markaz tomonidan belgilangan shaffoflik, xolislik va adolat tamoyillari asosida amalga oshirilib, ilmiy tadqiqotlar sifati hamda salohiyatli izlanuvchilarni saralash maqsad qilindi. Jami 33 nafar talabgor imtihonlarda ishtirok etdi. Jumladan:
• 19 nafar nomzod doktorantura (DSc), tayanch doktorantura (PhD) va stajyor-tadqiqotchilik yoʻnalishlari boʻyicha;
• 14 nafar mustaqil tadqiqotchilar ilmiy izlanishlarni davom ettirish maqsadida imtihon jarayonlariga jalb etildi.
Imtihonlarda talabgorlarning tanlangan ixtisosliklar boʻyicha nazariy bilimlari, amaliy koʻnikmalari, metodologik tayyorgarligi va tadqiqotchilik salohiyati kompleks tarzda baholandi. Jarayonlarni samarali oʻtkazish maqsadida yuqori malakali komissiya aʼzolari jalb etildi va barcha tartib-qoidalar amaldagi qonunchilik talablariga toʻliq muvofiq holda taʼminlandi.
Oliy taʼlimdan keyingi taʼlimga qabul jarayonlari mamlakatda ilm-fan salohiyatini oshirish, ilmiy kadrlar zaxirasini shakllantirish va iqtisodiyot sohalari uchun yangi avlod tadqiqotchilarini tayyorlashda muhim ahamiyatga ega ekani taʼkidlandi. Qabul imtihonlarining samarali tashkil etilishi oliy malakali ilmiy kadrlar tayyorlash jarayonini yanada rivojlantirishga, ilmiy-tadqiqot ishlarining sifati va raqobatbardoshligini oshirishga xizmat qilishi qayd etildi.