TDIU huzuridagi Oʻzbekiston iqtisodiyotini rivojlantirishning ilmiy asoslari va muammolari ilmiy tadqiqot markazida 8 mart – Xalqaro xotin-qizlar kuni munosabati bilan markaz jamoasidagi xotin-qizlarni eʼzozlashga bagʻishlangan bayram tadbiri tashkil etildi.
Tadbir davomida markaz rahbariyati tomonidan xotin-qizlarning jamiyat hayotidagi oʻrni, ilmiy-tadqiqot faoliyatidagi hissasi hamda mamlakatimizda amalga oshirilayotgan ijtimoiy siyosatda ayollarga qaratilayotgan alohida eʼtibor haqida alohida taʼkidlab oʻtildi. Shuningdek, ilmiy markaz faoliyatida samarali mehnat qilayotgan xotin-qizlarning ilm-fan, tahlil va tadqiqot yoʻnalishlaridagi xizmatlari yuqori baholandi.
Bayram munosabati bilan markazda faoliyat yuritayotgan xotin-qizlarga samimiy tilaklar bildirilib, ularning jamiyat taraqqiyoti, ilmiy izlanishlar va iqtisodiy rivojlanish jarayonlariga qoʻshayotgan munosib hissasi alohida eʼtirof etildi.
Tadbir yakunida xotin-qizlar bayram bilan tabriklanib, ularga esdalik sovgʻalari topshirildi. Jamoada samimiy va ko‘tarinki kayfiyat hukm surdi. Mazkur tadbir xotin-qizlarga hurmat va eʼtibor ko‘rsatish, ularning jamiyatdagi mavqei hamda ilmiyfaoliyatdagi rolini yana bir bor eʼtirof etish imkonini berdi.