2025-yil 18-fevralda Toshkent davlat iqtisodiyot universiteti huzuridagi “Oʻzbekiston iqtisodiyotini rivojlantirishning ilmiy asoslari va muammolari” ilmiy-tadqiqot markazida “Moliyaviy savodxonlikni oshirish – taraqqiyot poydevori” mavzusidagi davra suhbati bo‘lib o‘tdi. Bu davra suhbati Oʻzbekiston Respublikasi Prezidentining 2023-yil 11-sentabrdagi “Oʻzbekiston – 2030” strategiyasi toʻgʻrisida”gi PF-158-son Farmoni ijrosini taʼminlash maqsadida tashkillashtirilgan. Unda Oʻzbekiston Respublikasi Markaziy banki, Maktabgacha va maktaʼlim vazirligi, Istiqbolli loyihalar milliy agentligi mutaxassislari, Toshkent davlat iqtisodiyot universiteti professor oʻqituvchilari hamda “Oʻzbekiston iqtisodiyotini rivojlantirishning ilmiy asoslari va muammolari” ilmiy-tadqiqot markazi ilmiy xodimlari, doktorantlar va talabalar ishtirok etdi.
Hozirda jahon moliya bozori arxitekturasida yuz berayotgan global beqarorliklarning milliy moliya bozorimizga ta’sirini kamaytirish maqsadida professor-oʻqituvchilar, mutaxassislar, ilmiy xodimlar, izlanuvchilar oʻz ilmiy-amaliy takliflari bilan ishtirok etib, moliyaviy savodxonlik va ommaboplikni oshirish, maktabgacha taʼlim tashkilotlari direktorlarining iqtisodiy kompetensiyasini rivojlantirish, kripto-aktivlar aylanmasi sohasini rivojlantirish va tartibga solish maqsadida investitsiyalarni jalb qilish zarurligiga alohida urgʻu berib oʻtildi. Shuningdek oʻquvchilar uchun moliyaviy oʻyinlar platformasi (moliyaviy.uz) ham tanishtirib oʻtildi.
