Joriy yilning 11-aprel kuni Toshkent davlat iqtisodiyot universiteti huzuridagi “Oʻzbekiston iqtisodiyotini rivojlantirishning ilmiy asoslari va muammolari” ilmiy-tadqiqot markazida Toshkent davlat iqtisodiyot universiteti “Yashil iqtisodiyot” kafedrasi bilan hamkorlikda “Moliyaviy savodxonlik. O‘zbekistonning yangi avlodi” mavzusida davra suhbati boʻlib oʻtdi. Mazkur tadbir Oʻzbekiston Respublikasi Prezidentining 2023-yil 11-sentyabrdagi “Oʻzbekiston – 2030” strategiyasi toʻgʻrisida”gi PF-158-sonli Farmoni hamda Oʻzbekiston Respublikasi Prezidentining 2022-yil 6-iyuldagi “2022-2026-yillarda Oʻzbekiston Respublikasining innovatsion rivojlanish strategiyasini tasdiqlash to‘g‘risida”gi PF-165-sonli Farmoni ijrosini taʼminlash maqsadida hamda kafedra “Moliyaviy savodxonlik. O‘zbekistonning yangi avlodi” amaliy loyihasi doirasida tashkil etildi. Davra suhbatida Rossiya Federatsiyasi hukumati huzuridagi Moliya universiteti Gumanitar texnologiyalar va ijtimoiy muhandislik instituti bosh ilmiy xodimi, Ural davlat iqtisodiyot universiteti (Toshkent filiali), Iqtisodiyot va moliya vazirligi fiskal xatarlarni baxolash boshqarmasi bosh mutaxassisi, “Amana sug‘urta” aksiyadorlik jamiyati boshqaruvi raisi, Toshkent davlat iqtisodiyot universiteti “Yashil iqtisodiyot” kafedra professor-oʻqituvchilari hamda Markaz rahbariyati, ilmiy xodimlari va doktorantlari qatnashishdi. Xususan, Markaz yetakchi ilmiy xodimi PhD Sh.Rajapov “O‘zbekiston Respublikasining 2025 yilga mo‘ljallangan soliq siyosati konsepsiyasi doirasida qonunchilikka kiritilgan asosiy o‘zgartirishlar” mavzusida ma’ruza qildilar. Davra suhbatida sarmoya kiritish, investitsiya portfelini boshqarish, pensiya sug’urtasi, moliyaviy savodxonlik va barqaror rivojlanish sari kabi masalalar mutaxassislar va ilmiy xodimlar tomonidan muhokama qilindi. Muhokama davomida Markaz professorlari A.S.Usmanov, B.H.Umurzakov hamda Markaz doktorantlari PhD O‘.Abdulazizova, PhD S.Xolbayevalar savol-javob qismida faol qatnashishdi. Anjuman yakunida o‘z ma’ruzalari bilan qatnashgan ishtirokchilarga sertifikat taqdim etildi.
