Toshkent davlat iqtisodiyot universiteti huzuridagi “Oʻzbekiston iqtisodiyotini rivojlantirishning ilmiy asoslari va muammolari” ilmiy tadqiqot markazining “Demografiya va mehnat bozori” sektori ilmiy xodimlari va Toshkent davlat iqtisodiyot universitetining “Inson resurslarini boshqarish” kafedrasi oʻrtasida 2025- yilga moʻljallangan “Atrof-muhitni asrash va yashil iqtisodiyot yili” dasturi doirasida taʼlim sifatini oshirish boʻyicha hamkorlikdagi Yoʻl xaritasida belgilangan Milliy iqtisodiyot transformatsiyasida mamlakatning demografik jarayonlari boʻyicha talabalar, magistrlar uchun ochiq maʼruza tashkil etildi.
“Demografiya va mehnat bozori” sektori mudiri i.f. d., professor B.X. Umirzakov asosiy maʼruzachi sifatida Milliy iqtisodiyot transformatsiyasida mamlakatning demografik jarayonlari va uning mehnat bozoriga taʼsiri haqida toʻxtalib oʻtdi. Unda respublikadagi aholisi eng koʻp boʻlgan viloyatlar, tugʻilish jarayoni yuqori va past koʻrsatkichlardagi hududlar haqida maʼlumotlar berdi.
Bundan tashqari “Oʻzbekiston aholisining 2050-yilgacha boʻlgan prognoz”i haqida ham maʼlumotlarni keltirib oʻtdi. Unga koʻra aholi prognozi nima uchun kerak, nima sababdan amalga oshiriladi, qanday usullardan foydalaniladi, undan qanday maqsadlarda foydalanish mumkinligini atroflicha tushintirib berishga harakat qildi.
Shu oʻrinda Aholini roʻyxatga olish va uni amalga oshirishdagi harakatlarga ham toʻxtalib oʻtildi. Bundan tashqari kafedraning professor – oʻqituvchilari hamda talabalar oʻzlarini qiziqtirgan savollar bilan murojatlar qilishdi. Qizgʻin bahs munozaralar bilan oʻtgan uchrashuvda talabalarning mehnat bozoriga kirib borishlari va ular duch kelishi mumkin boʻlgan toʻsiqlar haqida olib borilgan suhbat jarayoni ham amalga oshirildi.
