Ustoz va murabbiylar bayrami arafasida Oliy ta’lim muassasalarida faoliyat yuritayotgan bir guruh ijodkor professor o‘qituvchilarga O‘zbekiston Yozuvchilar uyushmasi a’zoligi guvohnomalari topshirish marosimi bo‘lib o‘tdi.
Kamina xam ushbu baxtga musharraf bo‘lganidan Yaratgan Egamga behisob shukronalar izhor qilaman. Bayramga zo‘r sovg‘a bo‘ldi. Ustoz Sirojiddin Sayyid domlamizning qo‘llaridan mazkur rutba yorlig‘ini olishdek quvonch nasib qildi kaminaga. Ushbu fursatdan foydalanib barcha ustozlarimni kirib kelayotgan Ustoz va murabbiylar kuni munosabati bilan samimiy muborakbod etaman.
