Joriy yilning 31-may kuni Toshkent davlat iqtisodiyot universiteti huzuridagi “O‘zbekiston iqtisodiyotini rivojlantirishning ilmiy asoslari va muammolari” ilmiy-tadqiqot markazida “Milliy iqtisodiyotni isloh qilish va barqaror rivojlantirish istiqbollari” mavzusidagi respublika ilmiy-amaliy konferensiyasi bo‘lib o‘tdi.
Mazkur tadbir O‘zbekiston Respublikasi Prezidentining 2022-yil 28-yanvardagi “2022-2026-yillarga mo‘ljallangan Yangi O‘zbekistonning taraqqiyot strategiyasi to‘g‘risida”gi PF-60-son Farmoni ijrosini ta’minlash maqsadida tashkil etildi.
Ilmiy-amaliy konferensiyasida milliy iqtisodiyotni jadal rivojlantirish va yuqori o‘sish sur’atlarini ta’minlash doirasida bir qancha maqsadlar qo‘yilgan bo‘lib uni amalga oshirish milliy iqtisodiyotning barqaror rivojlanishini taʼminlash, iqtisodiy tizimning moliyaviy infratuzilmasini rivojlantirish, inson kapitalini takomillashtirish va aholi turmush darajasini oshirish va mintaqaviy rivojlanishning davlat iqtisodiy siyosati kabi masalalari professor-o‘qituvchilar, mutaxassislar, ilmiy xodimlar va izlanuvchilar tomonidan muhokama qilindi.
Anjumanda bildirilgan muammolar muhokamasi yakunlari va ularni hal etish bo‘yicha takliflar asosida konferensiya tavsiyalarini tegishli davlat organlariga konferentsiya ishtirokchilari guruhi tomonidan taqdim etish rejalashtirilgan.
