R4TCA лойиҳаси доирасида “Ўрта Осиёда кичик бизнес ва хусусий тадбиркорлик экспортини рағбатлантириш бўйича” ўқув курслари дастурини ташкил этиш компоненти муҳокама қилинди. Муҳокамада Ўзбекистон Республикаси Ташқи савдо ва инвестициялар вазирлиги мутахассислари, Халқаро савдо маркази экспертлари ва Тошкент давлат иқтисодиёт университети ҳамда “Ўзбекистон иқтисодиётини ривожлантиришнинг илмий асослари ва муаммолари” илмий тадқиқот маркази вакиллари иштирок этди.
Муҳокама давомида семинар ва тренингларни ташкил этиш, махсус курслар мазмуни, гендер ёндашувлари, инструктор-тренерларни танлаш усуллари, лойиҳаларни амалга ошириш натижаларини баҳолаш ва бошқа масалалар атрофлича кўриб чиқилди.
Муҳокама якунларига кўра, R4TCA лойиҳаси доирасида Халқаро савдо маркази ва Тошкент давлат иқтисодиёт университети ўртасида ҳамкорлик тўғрисидаги қўшма меморандумни тайёрлаш тўғрисида қарор қабул қилинди.
Маълумот учун. Халқаро савдо маркази (ХСМ) – Академиянинг савдо бўйича нуфузли онлайн таълим ташкилоти. Академия 60 дан ортиқ курсларни таклиф қилади ва ҳар йили 20000 дан ортиқ одамни қабул қилади. Лойиҳа ХСМнинг электрон ўқитиш тажрибасидан яхши фойдаланади ва ўқув дастурининг мослаштирилган дизайнини, онлайн материалларни ишлаб чиқиш, онлайн платформалар билан таъминлаш, талабалар бошқаруви ва маъмурий-педагогик ходимларни Марказий Осиё мамлакатлари эҳтиёжларига қаратишни таъминлайди. Савдо Академияси, шунингдек, энг яхши ўқув тажрибасини таъминлаш учун электрон ўқув дастури ва виртуал ўқув майдонининг кенгайтирилган версиясини яратади (Action resources платформаси орқали).
