2024-yil 20-noyabr kuni Toshkent davlat iqtisodiyot universiteti huzuridagi “O‘zbekiston iqtisodiyotini rivojlantirishning ilmiy asoslari va muammolari” ilmiy-tadqiqot markazida 2025-yil uchun oliy taʼlimdan keyingi taʼlim institutlariga qabul imtihonlari bo‘lib o‘tdi. Ushbu imtihonlar doktorantura (DSc), tayanch doktorantura (PhD) hamda stajyor-tadqiqotchilik yo‘nalishlarida tashkil etildi.
Imtihonlar markaz tomonidan ilmiy ishlarning sifati va salohiyatli tadqiqotchilarni aniqlashga qaratilgan shaffoflik tamoyillari asosida o‘tkazildi. Jami 22 nafar talabgor, shu jumladan:
• 16 nafar talabgor doktorantura (DSc), tayanch doktorantura (PhD) va stajyor-tadqiqotchilik yo‘nalishlarida ishtirok etdi;
• 6 nafar mustaqil tadqiqotchi ilmiy izlanishlar uchun imtihonga jalb etildi.
Imtihon jarayonida talabgorlarning tanlangan ixtisoslik yo‘nalishlari bo‘yicha nazariy bilimlari, amaliy ko‘nikmalari va tadqiqotchilik salohiyati baholandi. Qabul jarayonlarini muvaffaqiyatli o‘tkazish uchun malakali komissiya aʼzolari jalb etildi va barcha jarayonlar qonunchilik talablari hamda adolatlilik prinsiplariga muvofiq tartibda amalga oshirildi.
