2024-yil 21-noyabr kuni Toshkent davlat iqtisodiyot universiteti huzuridagi “Oʻzbekiston iqtisodiyotini rivojlantirishning ilmiy asoslari va muammolari” ilmiy-tadqiqot markazi “Demografiya va mehnat bozori”sektori, “Iqtisodiyotni isloh qilish va barqaror rivojlantirishning ilmiy muammolari” sektori va “Oʻzbekiston demograf olimlari” uyushmasi hamkorlikda “O‘zbekistonning ichki va tashqi migratsiya muammolari va yechimlari” mavzusida davra suhbati tashkil etildi.
Davra suhbatida O‘zbekiston Respublikasi Оliy ta’lim, fan va innovatsiyalar vazirligi, O‘zbekiston Respublikasi Iqtisodiyot va moliya vazirligi, O‘zbekiston Respublikasi Vazirlar mahkamasi huzuridagi Migratsiya agentligi, BMT Aholi jamg’armasi O‘zbekistondagi vakolatxonasi, O‘zbekiston Respublikasi Bandlik va mehnat munosabatlari vazirligi huzuridagi Mehnat bozori tadqiqotlari instituti, Makroiqtisodiy va hududiy tadqiqotlar instituti, ‘‘Ijtimoiy fikr’’ respublika jamoatchilik fikrini o‘rganish, O‘zbekiston Respublikasi Oila va xotin-qizlar davlat qo‘mitasi huzuridagi ‘‘Oila va xotin qizlar’’ ilmiy-tadqiqot instituti, G.V.Plexanov nomidagi Rossiya iqtisodiyot universiteti Toshkent filiali, Mirzo Ulug’bek nomidagi O‘zbekiston Milliy Universiteti, Toshkent davlat iqtisodiyot universiteti “Mehnat iqtisodiyoti” kafedrasi. olimlari, ilmiy-tadqiqot ishlari bilan shug’ullanayotgan olimlar, magistrlar faol ishtirok etdilar.
Markaz direktori i.f.d., prof. Xudoyqulov Sadriddin Karimovich davra suhbati ishtirokchilariga ishtiroki uchun minnatdorchilik bildirib, mamlakatimizda migratsiya sohasida olib borilayotgan islohotlar haqida gapirdi va bir qancha muammolar hali hamom saqlanib qolayotganini aytib o‘tgan holda davra suhbatini ochib berdi. So‘ng “Demografiya va mehnat bozori” sektori mudiri, ”O‘zbekiston demograf olimlari” uyushmasi raisi i.f.d., prof. Umurzakov Baxodir Xamidovich so‘zga chiqib, mehnat migratsiyasining ijobiy va salbiy jihatlari haqida ma’lumot berdi. Mehnat migratsiyasi kelajakda ham dolzarb masala ekanligi va bu bo‘yicha aniq takliflar berish lozimligini ta’kidladi.
Davra suhbatida ko‘rilgan asosiy masalalar yuzasidan tegishli tartibda xulosa va takliflar shakllantirildi.
Birinchidan, migratsiya va mehnat migratsiyasiga alohida termin sifatida qarab ularni ma’no jihatidan bir biridan farqlash lozimligini va shu asnoda ilmiy-tadqiqotlarni davom ettirish lozimligi ketirib o‘tildi.
Ikkinchidan, mehnat migratsiyasini o‘rganadigan bo‘lsak uni ichki va tashqi sifatida ko‘rish va ichki migratsiyani tashkillashtirish yo‘li orqali bandlikni oshirish imkoniyatlari muhokama qilindi.
Uchinchidan, migrastiya konsepsiyasini ishlab chiqish taklifi va uning metodologiyasi haqida fikrlar almashildi.
To‘rtinchidan, mehnat bozorda talab va taklifni muvozanatlash masalalari chuqur o‘rganildi, olimlar tomonidan bu borada qilinadigan ishlar va kelajakdagi rejalar haqida to‘xtalib o‘tishdi,
Beshinchidan, mamlakatimizda iqtisodiy sotsiologiya ta’lim yo‘nalishi bo‘yicha bakalavriat va magistratura mutaxassisliklari tayyorlash tadqiqotlar sifatini va natijaviyligini yanada oshirishi, migratsiya sohasida tadqiqotlarni kengaytirish, bu borada vazirlik va idoralar o‘rtasida ijtimoiy hamkorlik munosabatlari o‘rnatilishi haqida kelishildi.
