Treningda TDIU huzuridagi ilmiy tadqiqot markazi, TDIU kafedralari, Halqaro ishbilarmon ayollar uyushmasi vakillari hamda tadbirkorlar ishtirok etdilar.
Trening orqali tadbirkorlar xalqaro savdo qoidalari, eksport tartib-qoidalari, tranzit yo‘llari, sifat va muvofiqlik standartlari, shuningdek, Yevropa Ittifoqi bozorining o‘ziga xos talablari bilan tanishib, malaka oshirdilar.
Trening dasturini Jahon Savdo Tashkiloti va Birlashgan Millatlar Tashkilotining qo‘shma agentligi bo‘lgan Xalqaro savdo markazi ishlab chiqqan. Dastur O‘zbekiston va Markaziy Osiyoning boshqa mamlakatlaridagi eksportchilarning o‘ziga xos muammolariga qaratilgan.
O‘quv dasturi kichik biznes va xususiy tadbirkorlik subektlariga amaliy mashg‘ulotlar va hayotiy misollar orqali o‘z mahsulotlarini mintaqaviy va xalqaro miqyosda eksport qilishga yaxshiroq tayyorgarlik ko‘rishda yordam bermoqdda.
Loyiha Yevropa Ittifoqi tomonidan moliyalashtirilib, Xalqaro Savdo Markazi (XCM) tomonidan TDIU huzuridagi “O‘zbekiston iqtisodiyotini rivojlantirishning ilmiy asoslari va muammolari” ilmiy-tadqiqot markazi bilan hamkorlikda amalga oshirilmoqda.
