2024-yil 28-may kuni «O’zbekiston iqtisodiyotini rivojlantirishning ilmiy asoslari va muammolari» ilmiy-tadqiqot markazida Xoshimin iqtisodiyot universiteti (Vetnam) va Tra Vinh universiteti (Vetnam) professori Dr. Savas Tumis ishtirokida «Do you want to make your enterprise a market leader? Success secrets of Hidden Champions – World Market Leader Companies» mavzusida davra suhbati bo’lib o’tdi. Ushbu tadbirda markaz xodimlari hamda doktorantlar ishtirok etdilar.
Professor Dr. Savas Tumis o’z taqdimotida tadbirkorlik uchun xos bo’lgan asosiy xususiyatlarni va o’z ilmiy izlanishlari ustida ishlayotgan doktorantlar uchun foydali bo’lgan jihatlarni batafsil tahlil qilib berdi. Shuningdek, jahonning ilg’or yirik korxonalari muvaffaqiyatiga hissa qo’shgan asosiy omillar hamda rivojlangan mamlakatlarning yutuqlari haqida ham so’z yuritildi.
Davra suhbati juda qiziqarli bo’lib, ishtirokchilar tomonidan iliq kutib olindi. Tadbir davomida ko’plab savol-javoblar bo’lib o’tdi va professor Dr. Tumis ishtirokchilarning qiziqtirgan savollariga batafsil javob berdi. Umuman olganda, davra suhbati tadbirkorlik va ilmiy izlanishlar bilan shug’ullanuvchilar uchun katta ahamiyatga ega bo’ldi.
