TDIU huzuridagi Oʻzbekiston iqtisodiyotini rivojlantirishning ilmiy asoslari va muammolari ilmiy tadqiqot markazida (Markaz) Rossiya Federatsiyasi Iqtisodiy rivojlanish vazirligi huzuridagi Umumrossiya tashqi savdo akademiyasi (UTSA) vakillari bilan uchrashuv bo‘lib o‘tdi. Uchrashuvda tomonlar amalga oshirilishi ko‘zda tutilgan hamkorlik masalalarini muhokama qildi.
Xususan, Markaz hamda UTSA o‘rtasida malaka oshirish kurslarini tashkil etish borasida amaliy takliflar ko‘rib chiqildi. Shu bilan birga, muloqot davomida malaka oshirish kurslarini tashkil etish borasidagi qilinishi shart bo‘lgan ishlar – o‘quv jarayoni va dasturlarini ishlab chiqish hamda boshqa tashkiliy masalalar muhokama qilindi.
