2025-yil 19-noyabr kuni soat 10:00 da Toshkent davlat iqtisodiyot universiteti huzuridagi “O‘zbekiston iqtisodiyotini rivojlantirishning ilmiy asoslari va muammolari” ilmiy-tadqiqot markazida bo‘lib o‘tadigan «Milliy iqtisodiyotni innovatsion sharoitiga o‘tish davrida raqamli transformatsiya va zamonaviy mehnat bozori» mavzusidagi respublika ilmiy-amaliy konferensiyasi bo’lib o’tdi.
Konferensiyani “O‘zbekiston iqtisodiyotini rivojlantirishning ilmiy asoslari va muammolari” ilmiy-tadqiqot markazi direktori, i.f.d., professor Xudoyqulov Sadirdin Karimovich ochib berdi. Bugungi kunda raqamli transformatsiya iqtisodiyot uchun qanchalik kerakligini o’z nutqida aytib o’tdi.
Shuningdek, G.V.Plexanov nomidagi Rossiya iqtisodiyot universiteti Toshkent shahri filiali direktor o‘rinbosari, i.f.d., professor Zokirova Nodira Kalandarovna,
O‘zbekiston Respublikasi Kambag‘allik va mehnat bozori tadqiqotlari instituti direktori Karimov Dilshod Sobirjonovich, “O‘zbekiston iqtisodiyotini rivojlantirishning ilmiy asoslari va muammolari” ilmiy-tadqiqot markazi “Demografiya va mehnat bozori” sektor mudiri, i.f.d., professor Umurzakov Bahodir Xamidovich ham o’z nutqida ushbu konferensiyani bir qancha dolzarb muammolarning ustuvor yechimi bo’lishi haqida aytib o’tdilar.
G.V. Plexanov nomidagi Rossiya iqtisodiyot universiteti Toshkent shahar filiali “Mehnat iqtisodiyoti va strategik menejment” kafedrasi mudiri, i.f.d., professor Zokirova Nodira Kalandarovna, O‘zbekiston Respublikasi Prezidenti huzuridagi Ijtimoiy himoyani rivojlantirish instituti direktor o‘rinbosari i.f.n. Nurutdinova Adiba Gazievna, “Ma’no Tadqiqotlar tashabbusi” markazi direktor o‘rinbosari direktor o‘rinbosari Xodjimuxamedov Marat Karimovich, Toshkent Xalqaro Moliyaviy Boshqaruv va Texnologiyalar Universiteti i.f.n., professor v.b., Saidjabbor Shoira Saidgaffor qizi, TDIU Mehnat iqtisodiyoti kafedrasi v.b. prof. Bakieva Iroda Akbarovna, O‘zbekiston Respublikasi Kambag‘allik va mehnat bozori tadqiqotlari instituti direktor o‘rinbosari Alimuhammedoa Botir Bakievich kabi yurtimizning yetakchi olimlari tomonida konferensiyada o’zlarining ma’ruzalari bilan qatnashishdi.
Konferensiyada muhokama quyidagi mavzularda olib borildi:
1-sho‘ba. Raqamli transformatsiya borasidagi davlat siyosati va raqamli transformatsiya ekotizimini shakllantirish;
2-sho‘ba. Innovatsion faoliyat jarayonida moliyaviy holatni tahlil qilish va prognozlash, moliyaviy oqimlarni boshqarish;
3-sho‘ba. Hududlarda raqamli transformatsiyalardan foydalanish orqali takomillashtirilgan mahsulotlar, xizmatlarni tashkil etish;
4-sho‘ba. Innovatsion iqtisodiyot sharoitida zamonaviy mehnat bozorining rivojlanishi.
Mazkur respublika ilmiy-amaliy konferensiyasi milliy iqtisodiyotning innovatsion bosqichga o‘tishi jarayonida mehnat bozorida kechayotgan tendensiyalarni nazariy va amaliy jihatdan tahlil qilish, raqamli kompetensiyalarni rivojlantirish mexanizmlarini takomillashtirish, bandlik siyosatida yangi yondashuvlarni ishlab chiqish uchun muhim ilmiy platforma hisoblanadi. Konferensiya natijalari innovatsion iqtisodiyotni shakllantirishda samarali boshqaruv qarorlarini ishlab chiqish, mehnat bozorining barqarorligini ta’minlash va raqamli transformatsiyaning ijtimoiy-iqtisodiy oqibatlarini chuqur anglashga xizmat qiladi.
Milliy iqtisodiyotni innovatsion rivojlanish modeliga o‘tkazish jarayonida raqamli transformatsiya iqtisodiy jarayonlarning mazmuni, tuzilmasi va boshqaruv mexanizmlariga sezilarli ta’sir ko‘rsatayotgan strategik omil hisoblanadi. Raqamli texnologiyalarni joriy etish ishlab chiqarish samaradorligini oshirish, mehnat resurslarining yangi ko‘nikmalarini shakllantirish, iqtisodiyot tarmoqlarining raqobatbardoshligini mustahkamlash va qo‘shimcha qiymat yaratish imkoniyatlarini kengaytirmoqda.