TDIU huzuridagi “Oʻzbekiston iqtisodiyotini rivojlantirishning ilmiy asoslari va muammolari ilmiy-tadqiqot markazi ilmiy xodimlari Turkiyaning Istanbul shahrida boʻlib oʻtayotgan Menejment, biznes va moliya II xalqaro konferensiya (2nd World Conference on Management, Business, and Finance (WORLDMBF))da ishtirok etishmoqda. Konferensiya Istanbul Zaim universitetida tashkil etilmoqda.
Menejment, biznes va moliya II xalqaro konferensiya (WORLDMBF) — bu menejment boʻyicha dunyo boʻylab olimlar, tadqiqotchilar va mutaxassislarni menejment, biznes va moliya sohalaridagi soʻnggi tendensiyalar, innovatsiyalar va muammolarni muhokama qilish uchun birlashtiruvchi yetakchi konferensiyadir. Konferensiyada ishtirokchilar oʻzlarining tadqiqotlari, bilimlari va tajribalari bilan boʻlishish, shuningdek, mutaxassislardan yangi gʻoyalarni oʻrganish imkoniyatiga ega boʻladilar. Ishtirokchilar qiziqarli munozaralar, tarmoqlarni kengaytirish va xalqaro tajribani oʻrganish imkoniyatlariga ega boʻlishadi. Konferensiya dasturida menejment, biznes va moliya sohalaridagi keng koʻlamli mavzularni qamrab olgan maʼruzalar, panel muhokamalari, maqola taqdimotlari va poster sessiyalari mavjud.
