Qozog‘iston Respublikasida bo‘lib o‘tayotgan Markaziy Osiyo mamlakatlari rektorlari forumi doirasida ishtirokchi davlatlar oliy ta’lim muassasalari bilan akademik ta’lim, ilmiy-tadqiqot hamda madaniy va ma’rifiy sohalarida hamkorlik aloqalarini rivojlantirish bo‘yicha o‘zaro hamkorlik memorandumlari imzolandi.
Jumladan, Al-Farobiy nomidagi Qozoq milliy universiteti, Satbayev nomidagi ilmiy tadqiqot universiteti, A.Boytursunov nomidagi Kostanay universiteti, S.Amanjolov nomidagi Sharqiy Qozog‘iston universiteti, Korkit ota nomidagi Qizilorda universiteti shuningdek, Tojikiston Milliy universiteti, Moskva davlat universitetining Tojikiston filiali hamda Tojikiston xalqaro turizm va tadbirkorlik universitetlari bilan hamkorlik aloqalari o‘rnatildi.
Uchrashuvlar jarayonida professor-o‘qituvchilar va talabalar almashinuvi, hamkorlikda hamda ilmiy-tadqiqot, madaniy va ma’rifiy tadbirlar o‘tkazish va o‘zaro tajriba almashishga kelishib olindi.
