Markaz olima ayollari loyihasi Innovasion rivojlanish vazirligi tomonidan e’lon qilingan “Olima ayollar grantlari” tanlovi g‘olib bo‘ldi
2022 yilning 11 fevral kuni O‘zbekiston Respublikasi Innovasion rivojlanish vazirligida “Xalqaro ilm-fan sohasidagi xotin-qizlar kuni”ga bag‘ishlangan tadbir bo‘lib o‘tdi. Innovasion rivojlanish vazirligi tomonidan e’lon qilingan “Olima ayollar grantlari” tanlovi g‘oliblari ishtorok etib, o‘z loyihalari taqdimotini o‘tkazdilar.
Ushbu tadbirda TDIU huzuridagi “O‘zbekiston iqtisodiyotini rivojlantirishning ilmiy asoslari va muammolari” ilmiy-tadqiqot markazining olima ayollari ham “Tijorat banklarida valyuta ayriboshlash jarayoniga mijozni identifikasiya qilish maqsadida Touch ID tizimini yaratish” mavzusidagi innovasion loyihasi bilan ishtirok etdilar. Mazkur loyiha moliyalashtirilishini 2022 yilda amalga oshirishi belgilandi. Tadbir yakunida Markaz jamoasi ayollari sertifikat bilan taqdirlandilar.
