Bugun iqtisodiyot fanlari doktori professor Usmanov Anvar Saidmaxmudovich o‘zining muborak 70 yoshini nishonlamoqda. Anvar Saidmaxmudovich iqtisodiyot fanlari doktori ilmiy darajasiga va professor ilmiy unvoniga ega. Uzoq yillar davlat boshqaruvi tizimida rahbarlik lavozimlarida ishlagan. 1996-yilda “Tartibga solinadigan bozor munosabatlarining ilmiy asoslari” mavzusida doktorlik dissertatsiyasini himoya qilgan. 1997-yildan Xalqaro Iqtisodiyot va Biznes Akademiyasining haqiqiy a’zosi. TDIU huzuridagi ilmiy-tadqiqot markazida sektor mudiri lavozimida ishlaydi, shuningdek, G.V.Plexanov nomidagi RIU Toshkent filialida o‘qituvchilik faoliyatini olib boradi. 1 ta individual monografiya, 10 ta jamoaviy monografiya va darsliklar, 150 dan ortiq maqolalar, shu jumladan, xalqaro maqolalar muallifi. Usmanov rahbarligida 5 nafar doktorant o‘z dissertatsiyalarini muvaffaqiyatli himoya qilgan. Muhtaram professorimizga sihat-salomatlik, oilaviy farovonlik, ilmiy faoliyatida muvaffaqiyatlar tilaymiz.
