2025-yil 19-20-noyabr kunlari Toshkent davlat iqtisodiyot universiteti huzuridagi “O‘zbekiston iqtisodiyotini rivojlantirishning ilmiy asoslari va muammolari” ilmiy-tadqiqot markazida Toshkent davlat iqtisodiyot universiteti huzuridagi Pedagog kadrlarini qayta tayyorlash hamda va ularning malakasini oshirish Tarmoq markazi bilan hamkorlikda 19-noyabr kuni 6 soat va 20-noyabr kuni 6 soatlik ko‘chma amaliy mashg‘ulotlar tashkil etildi.
Mazkur tadbir O‘zbekiston Respublikasi Prezidentining oliy ta’lim muassasalari rahbar va pedagog kadrlarini qayta tayyorlash hamda ularning malakasini oshirish tizimini takomillashtirishga qaratilgan farmon va qarorlar ijrosini ta’minlash, shuningdek, iqtisodiyot sohasidagi dolzarb muammolarni tizimli o‘rganish maqsadida o‘tkazildi.
Ko‘chma mashg‘ulotlarda “Iqtisodiyotni boshqarishning zamonaviy yondashuvlari”, “Iqtisodiyotning dolzarb muammolari va zamonaviy yutuqlar”, “Hududiy rivojlanishning yangi strategik yo‘nalishlari”, “Raqamli iqtisodiyot va sun’iy intellektning iqtisodiy jarayonlardagi o‘rni” kabi mavzular bo‘yicha yetakchi mutaxassislar ma’ruza va treninglar o‘tkazdi.
Ikki kunlik mashg‘ulotlarda jami 36 nafar tinglovchi faol ishtirok etdi. Trening jarayonlarida amaliy misollar, analitik yondashuvlar, muammoli vaziyatlar tahlili va interaktiv metodlardan keng foydalanildi.
Mazkur ko‘chma mashg‘ulotlar iqtisodiy jarayonlarni chuqur tahlil qila oladigan, zamonaviy boshqaruv yondashuvlarini amaliyotga tatbiq eta oladigan mutaxassislar tayyorlashga xizmat qilmoqda.
