TDIU huzuridagi “Oʻzbekiston iqtisodiyotini rivojlantirishning ilmiy asoslari va muammolari” ilmiy-tadqiqot markazi xalqaro ilmiy hamkorlik aloqalarini kengaytirish va mustahkamlash hamda ilmiy tadqiqotlar sifatini yangi bosqichga olib chiqish maqsadida Turkiyaning Istanbul Zaim Universiteti huzuridagi Islom iqtisodiyoti va moliyasini qoʻllash va tadqiq qilish markazi bilan amaliy uchrashuv va muhokamalar oʻtkazildi. Uchrashuv Turkiya tomonidan markaz direktori professor Ibrahim Yumusak ishtirokida boʻlib oʻtdi.
Unda tomonlar oʻrtasida hamkorlikda fundamental xalqaro ilmiy loyihalarni amalga oshirish, oʻzaro hammualliflikda maqolalar nashr etish, doktorantlar stajirovkasini tashkil etish, ilmiy anjuman va turli tadbirlarni tashkil etish, maʼlumotlar va tadqiqotlar natijalarini almashish kabi ustuvor masalalar muhokama qilindi. Avvalroq markazlar oʻrtasida hamkorlik uchun anglashuv memorandumi imzolangan edi. Uchrashuv mazkur memorandumning amaliy ifodasi oʻlaroq, muhokamalar natijasiga koʻra Oʻzbekiston Respublikasi Innovatsion rivojlanish agentligi va Turkiya Respublikasi Ilmiy va texnologik tadqiqotlar kengashi (TUBITAK) hamkorlikdagi xalqaro ilmiy loyihalar tanlovi uchun birgalikda ilmiy loyiha tayyorlab topshirish kelishib olindi.
