2024-yilning 09-yanvar kuni Toshkent davlat iqtisodiyot universiteti huzuridagi “Oʻzbekiston iqtisodiyotini rivojlantirishning ilmiy asoslari va muammolari” ilmiy tadqiqot markazi sektor mudiri, i.f.d., prof. Qodirov Abdurashid Madjitovich, ilmiy xodimlar i.f.d., prof. Axmediyeva Aliya Toxtarovna, PhD Maʼmurov Baxtiyor Xolmatjanovich, Innovatsion rivojlanish strategiyasi va global innovatsion indeks boʻlimi boshligʻi Nishonov Jahongir Muxiddinovich hamda innovatsion tumanlar bilan ishlash boʻlimi yetakchi mutaxassisi Qodirov Oʻktamjon Abdumannonovichlar ishtirokida hamkorlikni rivojlantirish boʻyicha uchrashuv oʻtkazildi.
Uchrashuvda ilmiy tadqiqot markazi tomonidan “Mintaqalarning innovatsion salohiyatini baholash uslubiyati” toʻgʻrisida amalga oshirilgan ishlar taqdimoti oʻtkazildi.
Yangi Oʻzbekiston strategiyasi innovatsion rivojlanish dastaklarini takomillashtirish va yangi uslubiyotlarni ishlab chiqishni talab etmoqda. Mintaqaning innovatsion salohiyatini baholash mintaqa innovatsion siyosatini asoslash va mintaqa iqtisodiy resurslardan samarali foydalanishni hisobga olgan holda, hududlarni rivojlantirish dasturlarini ishlab chiqish uchun muhim ahamiyat kasb etadi.
Iqtisodiy tizimni boshqarishning eng muhim jihati tizim rivojlanishining asosiy koʻrsatkichlarni va erishilgan natijalarini baholash uchun dastaklarning mavjudligi, ularni boshqa subyektlar bilan taqqoslash imkoniyati hamda rivojlanishning tayanch koʻrsatkichlari dinamikasi va yoʻnalishlari ustidan doimiy monitoring olib borish imkoniyatlaridan iborat.
Olib borilgan ilmiy izlanishlar natijasida quyidagi natijalarga erishildi:
Related posts
- milliy iqtisodiyoti rivojlanishining innovatsion modelini shakllantirish, mamlakat va uning hududlari raqobatbardoshligini oshirish boʻyicha yangi sharoit va manbalarini, ularni jahon xoʻjalik tizimining globallashuv talablariga moslashish mexanizmlarini yaratishga nisbatan ilmiy-metodologik yondashuvlarni kengaytirildi;
- olingan natijalarni amaliyotda tatbiq etish respublikaning tarmoq va hududlarning oʻziga xos xususiyatlari inobatga olgan holda ilmiy-texnologik rivojlanish ustuvorliklarni aniqlagan holda uzoq muddatli istiqbol uchun milliy iqtisodiyot innovatsion rivojlanishi boʻyicha davlat dasturlarini ishlab chiqishga koʻmaklashishga imkon beradi.
Uchrashuv yakunida uslubiyotni amalda qoʻllab koʻrilmaganligini inobatga olib, hududlarning innovatsion salohiyatini aniqlashda, innovatsion jarayonlarni qoʻllab-quvvatlash va tezlashtirishda pilot shaklida (moslashtirgan holda) birorta hududda hamkorlikda amalga oshirishga kelishildi.
Shu bilan birga, hududlar innovatsion salohiyatini baholash uslubiyotining ijtimoiy komponenti doirasida oʻtkazilishi koʻzda tutilgan soʻrovnomalar jarayonida Global tadbirkorlik monitori (GEM) tashkilotining tadbirkorlik muhitini baholash Milliy ekspert soʻrovnomasi savolnomasidan foydalanish boʻyicha tavsiya berildi.
